2021 жылғы 7 алкоголь немесе есірткі қабылдап машина жүргізген 10 мың азамат түрмеге қамалды, дәл осы ережені бұзған 12 мың адам жүргізуші куәлігінен айырылды, оның ішінде мыңы өмір бойы көлік жүргізе алмайды. Бүгін брифингте ҚР ІІМ ӘПК төрағасының орынбасары Серік Түсіпов хабарлағандай, қазір жүргізушілердің тәртіп сақтау деңгейі төмендеді.
7 ай ішінде тәртіп сақшылары 3.8 млн (+58 %, 2020 жылы — 2.4 млн) жол ережесін бұзу дерегін, оның ішінде:
- 1.4 миллионнан аса жылдамдықты асыру дерегі (+68 %, 2020 жылы — 832. мың);
- 973.6 мың жол белгілері мен таңбаларын елемеу (+96 %, 2020 жылы — 495.7 мың);
- 191.5 мың жарық құралдарын пайдалану ережесін бұзу (+27 %, 2020 жылы — 150.7 мың);
- 176.3 мың жолаушы және жүк тасымалдау ережесін бұзу (+46 %, 2020 жылы — 120.4 мың);
- 168.5 мың аялдау және тұраққа қою ережесін бұзу (+103 %, 2020 жылы — 83 мың) дерегін тіркеді.
Түсіповтің айтуынша, жыл басынан бері 7 180 (+15 %) жол апаты болды, одан 1017 (+18 %) адам көз жұмып, 9533 (+16 %) тұрғын жарақат алған. Адам өліміне әкелген апаттар көбіне жаяу жүргіншілерді қағу, көліктің аударылуы немесе бетпе-бет соғылуы салдарынан болады. Елдегі әр үшінші жол-көлік оқиғасы жаяу жүргіншілердің қатысуымен болады, жолда қаза тапқан немесе жарақат алған әр төртінші адам — жаяу жүргінші. Елдегі әр бесінші жол апаты жылдамдықты асыру салдарынан болады.
Комментариев: 0