Қарашаның басында Kolesa.kz елде дизельден кейін бензин де қымбаттағанын хабарлады. Қазанда 168–175 теңгеден сатылған АИ-92-нің бағасы сол кезде 178-179 теңгеге жеткен. Ал желтоқсанның басында жанармай құю бекеттерінде баға тағы өзгерді. АИ-95 те қымбаттап жатыр.
Қарашада 95-тің бір литрі 205-210 теңге тұрса, қазір ірі бекеттердің көбі 212 теңгеден сатып жатыр. Ал Royal Petrol 95-ті 218 теңгеден сатады.
Анықтама ретінде: биыл жыл басынан бері АИ-95 орта есеппен 30 теңгеге қымбаттады. 95 қаңтардың басында 180 теңгеден төмен бағада сатылған. Биыл отынның өзге түрлерінің бағасы да шарықтап кетті. Мысалы, дизель құны 50 теңгеге өсті.
Ал АИ-92-нің бағасы қарашада 180 теңгеге жеткен, бірақ бірнеше күннен кейін қайтадан 178 теңгеге түсті. 20 қарашада қайта қымбаттап, Helios секілді ірі бекеттерде 179 теңгеден сатылды. 6 желтоқсанда Helios, Sinooil, Qazaq Oil (бұрынғы «ҚазМұнайгаз»), «Газпромнефть» және Royal Petrol 92-ні кем дегенде 180 теңгеден саудалап жатыр. Кейбірінде бұдан да қымбат.
Кейінгі бір айда дизельді көліктер үшін жағдай өзгерген жоқ. Дизель әлі де елдегі ең қымбат отын: маусымаралық дизель 230 теңгеден (Royal Petrol-да 235 теңге) сатылады. Ал қысқы отын 370 теңге тұрады.
Айтпақшы, автогаз бағасы да өсті, бірақ бұл басқа әңгіме.
Сіз бензинді қаншадан алып жүрсіз?
Комментариев: 0