Жуырда оңтүстік астанада нөмірлік белгілерді тексеру шарасы өтті. Жергілікті полиция департаментінің баспасөз қызметі хабарлағандай, рейд жүргізілген 24 сағат ішінде тәртіп сақшылары нөмірін дұрыс тақпаған 65 ереже бұзушыны қолға түсірді. Ұсталғандардың үшеуі мегаполис көшелерін жалған нөмірмен кезіп жүріпті. Жалған нөмір таққан көлік иелері 15 АЕК (ҚР ӘҚБК-нің 590-бабының 3-бөлігі) көлемінде айыппұл төлеуге міндеттеледі.
Тағы 34 алматылық «техникалық регламенттердің, ұлттық стандарттардың талаптарына сай келмейтiн, сондай-ақ көлік құралдарын пайдалануға тыйым салынатын ақаулары мен жағдайлар бар көлiк құралдарын басқарғаны» үшін ұсталды. Әкімшілік кодекстің 590-бабының 5-бөлігіне сай, оларға 5 АЕК көлемінде айыппұл салынады.
Естеріңізге сала кетейік, жүргізушілер мемлекет алдында қарызының бар-жоғын kolesa.kz мобильді қосымшасы арқылы біле алады. Ол үшін қосымшаны смартфонға орнатып, «Айыппұлдар» бөліміне өту қажет. Содан кейін ЖСН немесе БСН енгізіп, «Тексеру» батырмасын басу керек. Егер мемлекет алдында қарызыңыз бар болса, оны бірден төлеуге болады.
Комментариев: 0