Биыл ақпанның басында сенат кулуарында депутат Марат Қожаев жол ережесін өрескел бұзатындарға айыппұлды 50 % жеңілдікпен төлеу мүмкіндігін бермеуді ұсынған.
«Мен былтыр айттым, үкімет қарастырып, қолдады», — деп сендірген халық қалаулысы. Бірақ Kursiv.media хабарлағандай, әзірге Ішкі істер министрлігі ғана келісіп отыр.
«Үкімет бұл бастаманы қолдамады, себебі процесті заңнама тұрғысынан нақты реттеу, талдау және жол ережесін бұзу фактісін қауіп деңгейіне қарай саралау қажет. Дегенмен жолдағы жағдайды тұрақтандыру және апат санын азайту үшін жол ережесін жүйелі түрде бұзатын жүргізушінің жауапкершілігін арттыру жөніндегі ұстаным қолдау тапты» деп мәлімдеді министрлік.
Комментариев: 0