Сәуірде Crown топтамасының қатары толыққанын хабарлаған Toyota жақында бес есікті Crown Sport моделін таныстырды. Бұл топтамадағы екінші модель. Жаңа машинамен танысып шыққан Yahoo басылымының журналистері бұл хетчбэк өз топтамасында ең қуатты машина болады деп болжады.
Crown Sport пен седан тәріздес Crown Crossover-дің шассиі бірдей. Өлшемі 4710×1880×1560 мм, ал дөңгелек базасы 2770 мм жаңа машина қысқа, әрі биік. Спорткар дизайнымен ерекшеленеді. Өзіне тән стилі бар кроссовердің бампері мен негізгі оптикасы бірден көзге түседі. Өндірушілер түсі мен спорттық креслосынан басқаның барлығын крос-хетч интерьерімен бірдей қылды.
Аспаның кейбір баптаулары, бейімделген амортизатор және артқы дөңгелек пен рөлдің белсенді реакциясы Crown Sport-ты жүргізгенде ерекше әсер алуға көмектеседі.
Бес есікті темір тұлпар дәстүрлі және қуатталатын екі гибрид құрылыммен жүреді. Тоуота техникасына қатысты нақты мәлімет бермеді, бірақ Crown Crossover-дегі секілді 239 ат күшіне ие 2.5 литрлік бензинді мотормен және электроқозғалтқышпен жабдықталады деген болжам бар.
306 ат күшін беретін гибрид электроқозғалтқышты Toyota RAV4-тен алған. Бірақ көліктің спорт имиджін айқындау үшін сипаттамалары өзгеруі мүмкін. Екі түрленім де толық жетекті болғанмен, артқы дөңгелектерді айналдыруға электромотор жауапты.
Машинаның қарапайым түрі күзде нарыққа шығады, ал қуатты нұсқа жыл аяғында өз иелеріне жол тартады. Кейін топтама ірі седан және универсалмен толығады.
Комментариев: 0