Bentley топтамада 2015 жылы пайда болған алғашқы жол талғамайтын көліктің жаңартылған нұсқасын көрсетті. Машина сатылымға күзде шығады.
Сырттай темір тұлпарды ірі бамперінен, үлкен радиатор торынан, өзгеше дөңгелегінен, жаңа есігі мен оптикасынан тануға болады. Артқы шамдары Continental GT стилінде жасалған.
Ішінде желдету жүйесінің дефлекторлары, 10.9 дюймдік экраны бар мультимедиалық кешен мен виртуалды аспаптар панелі көзге түседі. Мамандар Bentley-дің алдыңғы орындықтарын жақсартып, ортаңғы консольге тұтқа жасады және екінші қатардағы орындықтарды сәл жылжытты. Соңғы өзгеріс тек төрт орындық көліктерге қатысты.
Моторы — 550 ат күшіне ие 4 литрлік V8. Сәл кейінірек W12 мен 3 литрлік V6-ға негізделген гибридті күштік құрылымдар орнатылады. Темір тұлпарлар толық жетекпен және 8 сатылы автоматпен ұсынылады.
Комментариев: 0