«Нет утильсбору» қозғалысының өкілдері бүгін баспасөз мәслихатын өткізіп, Қазақстанда ABS жүйесі, SOS батырмасы, қауіпсіздік жастығы жоқ, экологиялық класы төмен машина шығаруға рұқсат беру туралы шешімнің күшін жоюды талап етті. Олар мұндай шешім экологияға кері әсер етіп қана қоймай, жол қауіпсіздігін нашарлатып, жол апатынан зардап шегетін тұрғын санын арттырады деп санайды.
Қоғам белсенділері утиль алымы мен алғашқы тіркеу сомасын есептеу әдісінің дұрыс-бұрысын тексеруді және отандық көлік құрастырушылардың өндірістің локализациясын жақсарту туралы келісімді орындау барысын қадағалауды талап етіп, сотқа шағым түсіргенін мәлімдеді.
Баспасөз жиынына қатысқандар автомобиль және өзге де техникаларды, соның ішінде ауылшаруашылық машинасын жеке пайдалану мақсатында сатып алған жеке тұлғалар мен шағын кәсіпкерлерді утиль алымы мен алғашқы тіркеу ақысынан босатуды ұсынды. Ал ірі импорттаушылар мен өндірушілерден жиналған ақшаны бөлу процесі барынша ашық болу керек.
Комментариев: 0