Бұл өңірдегі жағдай Алматы мен Нұр-Сұлтандағыдай қиын емес. Дегенмен, көңіл көтеретін орындардың жұмысы тоқтатылып, дүкендер мен асханалардың жұмыс уақыты қысқартылды, сонымен қатар халық көп жиналатын жерлерді дезинфекциялау шаралары күшейтілді.
Одан бөлек, 30 наурыздан бастап Батыс Қазақстан облысы бас санитарлық дәрігерінің қаулысымен өңірде бірқатар шектеулер енгізілді:
- ем алуға баратын тұлғаларды қоспағанда, ресми емес (тіркелмеген) жеке тұлғалардың Атырау және Ақтөбе облыстарына жолаушы тасымалдауына тыйым салу;
- Қазақстан Республикасы дипломатиялық қызметінің жұмысшыларын, Ресей Федерациясына ем алу үшін баратын тұлғаларды, транзиттік жүк тасымалдайтын көліктерді, сонымен қатар БҚО тұрғындарын азық-түлікпен және тұрмыстық заттармен қамтамасыз ететін жүк көліктерін (дезинфекциялық режим қатаң сақталған: бетперде, қолғап, дезинфекциялық құралдарды қолдану міндетті) қоспағанда, ел азаматтарының Батыс Қазақстан облысынан Ресей Федерациясына автокөлікпен баруына тыйым салу;
- басқа аймақ тұрғындарының Батыс Қазақстан аумағына кіруіне тыйым салу;
- автобуспен қозғалатындар мен ем алуға баратын тұлғаларды қоспағанда, БҚО тұрғындарының Атырау және Ақтөбе облыстарына автокөлікпен баруына тыйым салу.
Естеріңізге сала кетейік, Қазақстанда 16 наурызда төтенше жағдай жарияланды.
Комментариев: 0