BAIC жаңа BJ40 моделін өндіре бастады

BAIC концерні екінші буындағы BJ40-тың сериялық өндірісін бастағанын хабарлады. Сырт пішіні жаңа және интерьері жақсарған модель Қытайда қарашада саудалана бастайды, бағасы да белгілі. Машинаның құны — 185 800-225 800 юань (11.9-14.4 млн теңге).

1 / 4

• 
• 
• 
• 

1 / 4

Клиренсі 230 мм BJ40-тың өлшемі — 4790×1940×1929 мм, ал дөңгелек базасы — 2760 мм. Кіру және шығу бұрышы — 37 және 35 градус. Мұндай жол талғамайтын көлік 750 миллиметрге дейінгі таяз судан оңай өтеді. Рамасы сақталған, бірақ аспасын қайта жасапты.

Буын алмастырған BJ40 америкалық жол талғамайтын көліктерден ерекшеленіп, ұстамды бола түсті. Интерьері қайта жобаланған. Мысалы, салонда ортаңғы дисплей және алдыңғы жолаушыға арналған монитордан тұратын қосарлы үлкен экран пайда болды. Цифрлы аспаптар панелі де бар.

Алғашқы кезде модель 8 диапазонды автоматпен және толық жетек жүйесімен жұптасқан 2 литрлік бензинді турбомотормен (245 а. к. және 395 Нм) жүреді. Алғашқы жүздікті шамамен он секундта алады. Кейін мотор гаммасы дизельді және гибрид күштік құрылыммен толығады. Бұдан бөлек BJ40 сапасы өте нашар жолдарға арналған модификация жасайды, бірақ әзір нақты мәлімет жоқ.