BAIC BJ30 — сұсты көрінетін алдыңғы жетекті кроссовер

BAIC концерні өз отанында сатылатын BJ30 кроссоверінің құны мен техникалық сипаттамасын жариялады. Көтергіш шанағы мен алдыңғы жетегіне қарамастан, ол дизайны басқа BJ модельдеріне ұқсайтын «жеңіл жол талғамайтын көлік» болып есептеледі. Жаңа өнім қарапайым іштен жанатын қозғалтқышпен және гибрид күштік құрылыммен жабдықталады. Бағасы 99 900 юаньнан (6.1 млн теңге) басталады, бұл Қазақстандағы Chevrolet Cobalt-тың бастапқы бағасынан төмен.

1 / 10

• 
• 
• 
• 
• 
• 
• 
• 
• 
• 

1 / 10

Жаңа BJ30 — BAIC компаниясының 2015 жылы пайда болған BJ20 моделінің жаңарған нұсқасы. Кроссовердің дизайны жаңа буындағы BJ40-қа ұқсайды, көлемі де ұлғайған. Өлшемдері — 4730×1910×1790 мм, дөңгелек базасы — 2820 мм. Клиренсі — 215 мм, кіру және шығу бұрышы — 25 және 30 градус. Дөңгелек дискілерінің өлшемі – 18 немесе 19 дюйм.

Жүксалғыш көлемі — 1496 литр. BAIC BJ30 14.6 дюймдік экраны бар медиажүйемен және екінші деңгейлі жүргізуші ассистенттерінің кешенімен жабдықталады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Бренд модельдің бес нұсқасын ұсынады. Ең арзан үш нұсқа 7 сатылы робот және алдыңғы жетекпен үйлесімді 188 ат күшін және 305 Нм момент беретін 1.5 литрлік турбомотормен жүреді. Екі үздік түрі Magic Nuclear Drive атты гибрид күштік құрылыммен жабдықталады, қуаты 158 ат күшіне (235 Нм) төмендеген қозғалтқыш 178 ат күші (315 Нм) бар электромотормен жұмыс істейді. Ең қымбат BJ30-дың артқы осіне толық жетекті қамтамасыз ететін қосымша электромотор орнатылады, ол 75 ат күшіне ие (135 Нм).

Алдыңғы жетекті гибридтің жалпы қуаты 334 ат күшіне тең (550 Нм), ал толық жетекті нұсқадағы жүйе 409 ат күшіне (685 Нм) ие. Қуаты артық болса да, бензоэлектрлі BJ30-дың максимал жылдамдығы — 170 км/сағ, бензинді модификацияның көрсеткіші — 190 км/сағ. Үздік BAIC BJ30-дың бағасы — 136 900 юань (8.4 млн теңге).