Түзетулер енгізілген құжат жобасын ҚР Инвестициялар және даму министрлігі әзірледі. Олар қабылданғаннан кейін газ баллон жабдықтары «басқа құрылғылар» қатарында ережелердегі жеке тармақпен (қазір ол құжатта жоқ) белгіленеді. Және газ баллон орнатылған көліктерді техникалық тексеруден өткізу барысында, көліктің жағдайын, балаларға арналған тұтқыр құрылғылардың жұмыс істеуі мен орнатылған орнын (бар болған жағдайда), дыбыс сигналдарын, спидометрді, қауіпсіздік белдіктерімен қатар, газ баллонды автокөліктердің қуаттандыру жүйесінің «Дөңгелекті көлік құралдарының қауіпсіздігі туралы» КҚ техникалық регламентіне сәйкестігін де тексеретін болады.
Атап айтқанда:
- Газ баллон құрылғысының бөліктері мен олардың біріккен орындарынан газдың шықпауы.
- Орнатылған газ баллон құрылғысының құрылымы мен оның бөлшектерінің бүтіндігі.
- Көлік құралына орнатылған әр газ баллонда өшпейтіндей етіп анық жазылған «СНГ» или «КПГ» белгілерінің болуы.
- Кедендік одақтың «Дөңгелекті көлік құралдарының қауіпсіздігі туралы» техникалық регламентінің талаптарына сай рәсімделген:
- көлік құралындағы әр баллонда газ баллонды өндіруші рәсімдеген төлқұжатының болуы;
- автокөлікке орнатылған газ баллон құрылғысын құжатында өндіруші көрсеткен мерзімділікпен сәйкес келетін мерзімде сынақтан өткізілгені туралы куәліктің болуы қажет.
Бұдан өзге, автокөлік иелері газ баллонды құрылғыны жөндеу (редукторды не баллонды ауыстыру) кезінде енгізілген өзгерістер жазылған, қауіпсіздік талаптарына сәйкестігі туралы куәлікті көрсетуі тиіс.
Комментариев: 0