«Ауа райының нашарлап, күннің суытуына байланысты бүгін сағат 20:30-да ескі теміржол вокзалы мен әуежайдағы ақылы тұрақтардағы шлагбаумдардың барлығы көтеріледі. Тұрақтарға кіріп-шығу талонсыз және ақысыз жүзеге асатын болады», — деп Smart Astana мобильді жобасы хабарлады. Бұл ретте «Парковочное пространство Астаны» сайтында бұған қатысты ешқандай ақпараттың жарияланбағанын айта кеткен жөн.
Синоптиктердің болжауы бойынша, 6 ақпан күні елордада қар жауып, боран болады және желдің жылдамдығы секундына 15-20 метрге жетеді деп күтілуде. Ал 6 ақпаннан 7 ақпанға қараған түні минус 37-39 градусқа дейінгі қатты аяз болады. Қазіргі таңда ауа райының тым нашар болуына байланысты Астанадан шығатын жолдардың барлығы жабылған. Сондай-ақ, Ақмола, Қостанай, Түркістан және Солтүстік Қазақстан облыстарында да жолдар жабылды.
Комментариев: 0