АВТОВАЗ жаңа модельдерінің атауын тіркеді

Көктемде Тольяттидегі автоөндіруші Өнеркәсіптік меншік жөніндегі федералды институтқа Merida, Tarusa, Azimut, Xtour, Gravis, Astera және т.б. атау бойынша өтінім жіберді. «Российская газета» хабарлағандай, бұл болашақта топтама кеңейеді деп жасалған әрекет.

Қазір Retiva және Altra атаулары институттың ашық базасында мақұлдау құжатын алған.

Бұл атаулар 2026 жылға жоспарланған Vesta шассиіндегі кроссовер мен келер жылы жарық көретін концепт-минивэн сияқты ВАЗ өнімдеріне берілуі мүмкін.

Мысал ретінде АВТОВАЗ-дың 2020 жылғы патенттік өтінімін келтіруге болады. Сол кезде компания тіркелген алты атаудың (Alta, Avira, Aura, Iskra, Mira және Sfera) екеуін ғана қолданған.

Lada Iskra 2025 жылдың басты өнімі болады, бренд седан, универсал және кросс-универсал шанақтарын ұсынады. Сырт келбеті жаңарған және 1.8 литрлік қозғалтқышы бар Niva Travel-дің рестайлингі де осы тізімге қосылады.