АВТОВАЗ «Ладаға» панорамалы шатыр орнатады

Бұл туралы «За рулём» журналы жазды. Басылым дереккөзі хабарлағандай, АВТОВАЗ жаңа көліктерінің біріне панорамалы әйнек төбе орнатады. Оны Granta ізбасары Iskra моделінен көруіміз мүмкін.

Марка мұндай опцияны неге үлкен әрі жайлы Lada Vesta-ға емес, шағын модельге қойғанын түсіну қиын. Бірақ Iskra-ның Renault — Nissan CMF-B-LS платформасына негізделген заманауи автомобиль екенін ұмытпаған жөн. Автоөндіруші қазірше бұдан өзге жаңа модель шығармайды (АВТОВАЗ эмблемасын таққан Қытай көліктерін қоспағанда).

Lada Iskra сериялы өндіріске 2024 жылдың аяғында шығады, ал саудаға 2025 жылы қаңтарда түседі. Жаңа өнімге әйнек шатыр орната ма, орнатса бағасы қанша болады деген сұрақтарға модель жарық көретін күн жақындағанда жауап аламыз.