АВТОВАЗ Еуро-5 стандартына көшеді

АВТОВАЗ 1 қыркүйектен бастап Тольяттидегі кәсіпорын конвейерге Еуро-5 класының талаптарына сай автомобильдер қайта тұратынын хабарлады. Әңгіме Lada Granta туралы, бірақ оның барлық шанақ түріне қатысты болмайды. Бұл шара әзірше 90 ат күшіне ие мотор мен 106 ат күшін беретін әлдеқайда қуатты қозғалтқышпен жүретін модельдерді қамтиды. олардың бағасы 784 900 рубльден (шамамен 4 млн теңге) басталады.

АВТОВАЗ-дың баспасөз қызметі машиналар түрлі температурадағы толық циклды сынақтардан, тауда өткізетін сынақтан және т.б. өтті деп сендірді. Бірақ Lada Vesta-ның Еуро-5 нұсқасы және Niva-ның екі түрленімі қашан шығатыны туралы мәлімет жоқ.

АВТОВАЗ Ресей мен Украина арасындағы соғыс салдарынан санкцияға ұшырап, былтыр Еуро-5 экостандартынан бас тартуға мәжбүр болған. Зауыт каталитикалық бейтараптандырғыш жеткізуден бөлек, ABS, ESP жүйелерінен және қауіпсіздік жастығынан айырылған еді. Биыл тамыздың аяғында Lada автомобильдерінің жабдықтар тізіміне ABS, эйрбэг оралады. Арада көп уақыт өтпей тұрақтандыру жүйесі қайта пайда болатын сияқты.