25 сәуірде ай басында басталған АВТОВАЗ-дың ұжымдық демалысы аяқталды. Avtograd News басылымы хабарлағандай, жаңа автокөлік шығару тұрақты болмайды, арасында үзіліс боп тұрады.
Тольяттидегі зауыттың кейбір бөлімінде үзіліс 27 сәуірде (сәрсенбі) басталады. Бұл Granta мен Niva Travel желісіне әсер етеді. Жоспар бойынша демалыстан кейінгі бірінші аптада АВТОВАЗ 1228 дана Granta, 563 Niva Travel және 2639 дана B0 платформасындағы (Largus, XRAY, Renault Logan және Sandero) машина шығарады. Ал классикалық «Нива» мен Niva Legend өндірісі әлі басталған жоқ.
Lada Vesta шығаратын Ижевскідегі зауыт апта бойы жұмыс істейді. 25-29 сәуір аралығында конвейерден 1023 автомобиль шығады, оның көбі рестайлингке дейінгі «Веста». Жаңарған машинаның саны — 56 ғана.
Айта кетерлігі, Қазақстанға келетін дайын көліктер ғана емес, машина құрастыруға арналған автобөлшектер де шығатын АВТОВАЗ-да жұмыс тоқтап тұрғанына қарамастан, біздің елде Lada тапшылығы жоқ. Дилерлерде барлық модель бар. Автомат қорабы бар Lada Vesta ғана табылмайды.
Комментариев: 0