АВТОВАЗ-дан шыққан 80 % автомобильдің бөлшегі түгел емес

19 шілде күні Мәскеуде өткен баспасөз конференциясында қызық статистика жарияланды. Тольяттидегі зауыттан шығатын LADA автомобильдерінің 22 %-ы ғана толық жиынтықпен шығады екен. Қалған 78 %-ына бөлшек жетпейді. Drom.ru порталы Ресей автодилерлері қауымдастығының президенті Алексей Подщеколдинге сілтеме жасап осылай деп жазды.

Толық бітпеген автомобильдерді дилерлік орталық механиктері толықтыру керек, ал АВТОВАЗ салонға сол күйі жіберіп отырған. Мәселен Lada Vesta-да медиажүйе экранының жақтаулары мен «ЭРА-ГЛОНАСС» модульдері жоқ, Lada Niva Travel-ді отын өткізетін құбырсыз әкеліпті. Бампері мен шанағының түсі әртүрлі болғандықтан, біразын кері қайтарған.

«Дром» таратқан мәліметке сүйенсек, бұған АВТОВАЗ-дың жеке қоймалары мен тұрақтарында толық бітпеген көліктерді сақтайтын орын тапшылығы себеп болып отыр.

1990 жылы осыған ұқсас жағдай болған, бірақ қазір автосалондар жартылай дайын машиналарды жинауға қарсылық білдірсе, ол кезде автоөндірушілер клиенттердің өзіне көлігінің техникасын толықтыруды ұсынған. АВТОВАЗ зауытында бір кездері тұтатқыш пен сағат болмады, көліктер оптикасыз және кей декоративті элементсіз конвейерден түсті.