Бұл жөніде «Волжский автостроитель» деп аталатын зауыт басылымы хабарлады. Бейнежазбаларды талдау мен қылмыскерлерді бақылау нәтижесінде жұмыс орнын уақытша тастап кететін кәсіпорын қызметкерлерінің басқа бөлімдегі жұмысшылармен кездесіп, түйіншек бергені анықталған.
Қылмыстық топқа энергетикалық өндірісте, шасси және беріліс қоаптарын өндіру орнында және инжиниринг қызметінде еңбек ететін кемі он екі адам кірген. Оларды көбіне трансмиссияның бөлшектері — синхронизатордың қымбат тұратын латунь сақиналары қызықтырыпты. Конвейерден ұрланған зат есептен шығарылған бақылау-өлшеу аппараттарының ішіне жасырылып, кейін зауыт аумағынан шығарылып отырған.
Мекеменің қауіпсіздік қызметі мен полиция бірлесе отырып жүргізген тексеріс барысында бөтеннің мүлкіне қол сұққандар құрықталды. Ұсталған он екі адамның барлығы жұмыстан қуылып, істері сот қарауына жіберілді. Бірақ осындай қатал жазаның қолының сұғы барларға тосқауыл болмасы анық. Осы жылдың қазан айында да осы АВТОВАЗ-да Lada Granta кілттерін ұрлаған қызметкер ұсталған еді. Артынша бүкіл есіктердегі құлыптар мен рөл колонкасының тұтандыру тетіктерін демонтаждап, жаңасын орнатуға тура келді.
Комментариев: 0