Автотұрақ ақысы қай елде арзан?

Picodi.com зерттеушілері жұмыс күндері ақылы автотұрақта бір сағат тұру құны мен тұрғындарға арналған абонемент бағасын анықтап көрді.

Бір сағат тұру құны

Ең қымбат ақылы тұрақ Лондонда тіркелді — $11.29. Рейтингте екінші, үшінші орынға Осло ($8.57) мен Амстердам ($8.55) жайғасқан. Нұр-Сұлтан мен Алматыда жүргізушілер сағатына 100 теңге ($0.23) төлейді, бұл әлемдегі ең төмен баға саналады. Тек Ереванда тұрақ құны Қазақстандағыдан арзан — 100 драм ($0.21).

1 / 4

• 
• 
• 
• 

1 / 4

Абонемент бағасы

Рейтингке енген алты қалада (Лиссабон, Рим, Буэнос-Айрес, Мехико, Тирана және Скопье) тұрғындар машинасын үйіне жақын маңдағы ақылы тұраққа тегін қоя алады. Ал басқа қалаларда жүргізушілер жылдық абонемент сатып алады. Үйіне жақын маңнан тұрақ алу құны ең арзан шаһар — Будапешт (Ft2000 — $6). Нұр-Сұлтанда абонемент бағасы бір жылға 18 000 теңге ($41), Алматыда 12 000 теңге ($27). Ал ең қымбат абонемент Стокгольм ($1492) мен Ригада ($1163) екен.

Өзге алты қаланың (Нью-Йорк, Киев, Минск, Бішкек, Ереван және Тбилиси) тұрғындарында мұндай жеңілдік жоқ. Олар не гараждан орын сатып алуға, не тегін автотұрақ іздеуге немесе жалпыға ортақ абонемент сатып алуға мәжбүр.

Айта кетейік, Алматыда Kolesa.kz мобильді қосымшасы арқылы тұрақ ақысын төлеуге болады. Бағдарлама аймақ нөмірін өзі анықтайды және ақша төленген уақыт бітуге 15 минут қалғанда ескертеді.

Kolesa.kz мобильді қосымшасын орнату