Автосалондар шілдеде қанша жаңа автомобиль сатты

Биыл шілдеде Қазақстандағы автосалондардың жұмысы жақсы жүрді. Бір айда 18 236 автомобиль өтті, оның 17 142-сі жеңіл көлік пен жеңіл коммерциялық техника, ал қалған 1094-і жүк көлігі және автобус. Отандық автонарық шілдеде биылғы ең үздік көрсеткішке қол жеткізді.

Қазақстанның автокөлік одағы шілдедегі көрсеткіш маусымдағыдан 9.2 % жоғары болғанын есептеді. Бірақ былтырғы шілдедегі нәтижеге жете алмады (2023 жылы — 18 836 дана). Биыл жеті айда Қазақстанда жалпы 101 394 автомобиль өтті, бұл былтырғы сәйкес кезеңнен 0.6 % төмен.

2024 жылғы шілдедегі үздік 10 марка

Үздік маркалар тізімінде көшбасшы ауысқан жоқ. Шілдеде Hyundai көліктері көптеп өтті (4347 дана). Бұл 2023 жылмен салыстырғанда 15 % төмен көрсеткіш. 2376 машина сатқан Chevrolet екінші орында тұр (—36.7 %), үштікті Kia түйіндеді (1939; —15.8 %). Топ-5 тізімге қытайлық Chery (1371; +34.5 %) мен JAC (1174; +67.5 %) кірді.

1 / 10

• 
• 
• 
• 
• 
• 
• 
• 
• 
• 

1 / 10

Шілдедегі үздік модельдер рейтингінде Hyundai Tucson (2037 дана) алда келеді. Одан кейін Chevrolet Cobalt (1450), Kia Sportage (831), Hyundai Elantra (658) және Chevrolet Onix (579) жайғасқан.

Сондай-ақ үздік ондыққа төрт Қытай моделі енді, олар — JAC J7, Haval M6, Chery Tiggo 7 және Jetour X70. Біздің елде олардың танымалдығы артып келеді.

Қаңтар мен шілде арасындағы есеп бойынша Hyundai бірінші орында тұр. Бренд Қазақстанда 22 629 машина сатты. Рейтингте Kia (13 459 дана) мен Chevrolet (10 350) алдыңғы үштікке енді. Өзге маркалар бұл үшеуінен әлдеқайда аз сауда жасады. Төртінші сатыға Chery (8038), бесінші қатарға JAC (6324) орналасты.

2024 жылдың алғашқы жеті айындағы үздік 10 марка