ҚР Бәсекелестікті қорғау және дамыту агенттігі «Тұтынушы құқығын қорғау туралы» заң бойынша тауарды мәжбүрлеп сатуға тыйым салынғанын және заң бұзылса қарсы шара қабылданатын хабарлады.
Монополияға қарсы қызметкерлердің айтуынша, егер бұл әрекет өзге нарық субъектісіне (осы жабдықты жеткізушіге) зиян келтірсе немесе келтіруі мүмкін болса, монополияға қарсы заңды бұзған болып саналады да, оған 200-1500 АЕК мөлшерінде айыппұл салынады немесе монополиялық жолмен келген кірісті тәркілей отырып, табыстың 3-5 %-ы мөлшерінде айыппұл салынады.
Басқаша айтқанда, егер дилер машина сатқанда өздерінің кілемшесін бірге саудаласа, нарықтағы өзге кілемше сатушылардың (бәсекелестердің) құқығын бұзады және сол үшін жазалануы мүмкін.
Осындай фактілерді анықтау мақсатында Бәсекелестікті қорғау және дамыту агенттігі автосалондарды тексере бастады әрі азаматтардан қосымша опция қосып сатқан жағдайға кезіксе тұтынушы құқығын қорғайтын органға немесе агенттікке хабарласуды сұрады:
- +7 (7172) 74-98-32,
- +7 (7172) 74-98-36,
- +7 (7172) 75-06-49.
Сондай-ақ агенттіктің ресми сайты арқылы орынсыз бәсекелестік туралы жергілікті бөлімшелерге шағымдануға болады.
Бұған дейін Алматы прокуратурасы қосымша жабдық қосып сатудың заңсыз екенін айтқан. Бұл мәселе жеңілдікті автонесие бағдарламасы іске қосылғаннан кейін өзекті бола түсті.
Комментариев: 0