Әлеуметтік желіде АҚШ-та түсірілген қызық видео тарады. Одан тәртіп сақшыларының Cruiser компаниясына тиесілі Chevrolet Bolt-ты тоқтатқанын көруге болады.
Анықтама ретінде: Cruiser автономды басқару жүйелерін жасайды және 2021 жылы қыркүйекте Калифорния штатындағы бірнеше көшеде кешкі 10 мен таңғы 6-ға дейін пилотсыз таксилерді сынауға рұқсат алған.
Қызығы сол, полицейлер «Болт» салонында жүргізуші жоқ екенін көріп, аң-таң боп тұрғанда, көлік олардан қашуға тырысқан. Бірақ видеодан машина тез сабасына түсіп, жол жиегіне қарай ығысқаны байқалады.
Бейнежазба Twitter-де жарияланған кезде компания өкілдері оқиғаға қатысты пікір білдірді. Олардың айтуынша, басқару жүйесі оған енгізген алгоритм бойынша әрекет етеді. Басында пилотсыз көлік полицейлерге жол беру керек деп ойлаған, бірақ қызметтік Crown Victoria басып озбағанын байқап, анағұрлым қауіпсіз жерге тоқтапты.
Ал тәртіп сақшылары «шевиді» шамы өшіп тұрғандықтан тоқтатқан екен.
Комментариев: 0