Қазақстан автобизнес ассоциациясы (ҚАБА) дерегіне сүйенсек, 2020 жылы премиум көлік шығаратын брендтер 3073 темір тұлпар сатты. Бұл 2019 жылмен салыстырғанда 2 %-ға төмен көрсеткіш.
Үздіктер көшін бұрынғыдай Lexus бастап келеді, бірақ оның көрсеткіші 19 %-ға төмендеген. Егер 2019 жылы 1 597 «лексус» иесін тапса, былтыр 1 298 машина сатылды. Бұған себеп болған жаңа көлік тапшылығы. Дегенмен жапон маркасы дес берер емес. Екінші орында тұрған BMW бір жыл ішінде 686 машина (+13 %) сатқан. Үздік үштікті 247 көлігі иесін тапқан Land Rover түйіндейді.
| Орын | Маркасы | 2019 жылы | 2020 жылы | Айырмашылық |
| 1 | Lexus | 1597 | 1298 | -19 % |
| 2 | BMW | 605 | 686 | +13 % |
| 3 | Land Rover | 214 | 247 | +15 % |
| 4 | Infiniti | 158 | 234 | +48 % |
| 5 | Mercedes-Benz | 176 | 201 | +14 % |
| 6 | Porsche | 74 | 116 | +57 % |
| 7 | Cadillac | 110 | 111 | +1 % |
| 8 | Audi | 67 | 81 | +21 % |
| 9 | Volvo | 62 | 50 | -19 % |
| 10 | Jaguar | 54 | 35 | -35 % |
Ең танымал модель де сол бұрынғы Lexus RX (563 дана), ол біраз жыл бұрын сұранысы аса жоғары болған ірі әрі ескі LX-ті (305 дана) 2020 жылы шаң қаптырды. Ал қоланы BMW X7 (229 дана) иеленді.
Комментариев: 0