Автомат қорабы бар Lada Vesta NG 2024 жылы шығады

Автомат қорабы бар Lada Vesta NG 2024 жылы шығады

Топтамада төрт мотор, үш беріліс қорабы, төрт шанақ түрі болады.

АВТОВАЗ Lada Vesta NG-дің автомат қораппен жабдықталған нұсқасын шығарғысы келеді, бірақ бұл жақында болмайды. Зауыт беріліс қорабын жеткізушімен былтыр күзде келіссөз жүргізген, бірақ Auto.ru таратқан ақпаратқа сүйенсек, мұндай Vesta конвейерге 2024 жылдан ерте тұрмайды.

Инсайдерлер АВТОВАЗ беріліс қорабын таңдап койды және оны бейімдеу жұмыстарын жүргізіп жатыр деп мәлімдеді. Бұған дейін Lada 4 сатылы автомат және өздері ойлап тапқан роботпен жұмыс істейтін екі басқышты трансмиссияны Қытайда жасалған сатысыз түрімен алмастырды.

Вариатор АВТОВАЗ жаңалайын деп жүрген 1.8 литрлік қозғалтқышпен жұмыс істейді деген сыбыс бар. Бұрынғы сипаттамасын сақтаған мотордың (122 ат күшіне ие, айналу моменті 170 Нм) төзімділігі артты.

Автомат қорабы бар Lada Vesta NG 2024 жылы шығады

2024 жылы седан және универсал Sport нұсқасы сатылымға шығады. Сипаттамасы туралы қазірше ақпарат жоқ, бірақ болжам бойынша Lada Vesta NG Sport 6 сатылы механикамен жүреді. Бұған дейін «Спорттық» Lada Vesta-ны 145 ат күшіне ие қозғалтқышпен жабдықтаған еді.

Демек «Веста» 90–145 ат күшіне ие 1.6 және 1.8 литрлік екі мотор, 5 және 6 сатылы механика және вариатор қораппен сатылады. АВТОВАЗ басшылары саудаға шыққан күні көліктің седан, универсал және кросс-нұсқасы болады деді.

Ресейде Lada Vesta NG 1 239 900–1 689 900 рубль (7–9.4 млн теңге) тұрады.

Комментариев: 0

Чтобы оставить комментарий, вам необходимо зарегистрироваться или авторизоваться.