Құжаттарды рәсімдеу барысында жеке басты биометрикалық сәйкестендіру пилотты жобасын ағымдағы жылдың соңына дейін «Азаматтарға арналған үкімет» мемлекеттік корпорациясы «ҰАТ» АҚ-мен бірлесе отырып іске қоспақ. Жүйе ХҚКО-нда мемлекеттік қызмет алу үшін электронды үкімет порталында жеке құжаттарды не электронды цифрлық қолтаңбаны (ЭЦҚ) көрсетпей-ақ, бет әлпеті мен саусақ ізін қолдануды тұспалдайды.
Биометрикалық параметрлер ақпараттық жүйелерді пайдаланушыларды авторландыру және сәйкестендіру мақсатында қолданылатын болады. Дегенмен, бұл әзірше тек Астана мен Алматыда ғана қолжетімді. Биометрикалық деректер базасында азаматтарды тіркеу ерікті түрде жүзеге асатынын мемлекеттік корпорацияның баспасөз қызметі мәлімдеді.
Басқаша айтқанда, бір-екі айдан кейін-ақ алматылықтар мен астаналықтарға автокөлікті тіркеу не қайта тіркеу үшін мамандандырылған ХҚКО-на тек техникалық төлқұжат пен жүргізуші куәлігін (көлікті айдап кету үшін) алып бару жеткілікті болады.
Комментариев: 0