Автокөлік ұрлықшысын кездейсоқ өтіп бара жатқан адам үркіткен

Аталған ролик әлеуметтік желіде өткен аптада пайда болған еді. Бейнежазба кадрларына көз жүгіртсек, оның авторы Subaru Forester-ді тонаудан аман алып қалған сияқты: өз әрекетімен ол қылмыскерді үркіткен.

 

View this post on Instagram

 

A post shared by Алматы ДТП◾ (@almaty_dtp) on Nov 9, 2018 at 5:05am PST

Полиция департаментінің баспасөз қызметі хабарлағандай, тәртіп сақшылары күдіктінің жеке басын анықтапты, ол бөтеннің мүлкіне қатысты қылмыстары үшін бірнеше рет жауапқа тартылған көрінеді. Алматы полиция департаментінің Криминалды полиция басқармасының басшысы подполковник Есен Ысқақовтың айтуынша, аталған дерек бойынша ҚР ҚК-нің 188-бабы («Ұрлық») бойынша сотқа дейінгі тергеу жұмыстары жүргізілуде екен.

Қырағы азамат алғыс алды. Ал қаланың өзге тұрғындарын тәртіп сақшылары күдікті тұлғалардың құқық бұзушылық әрекеттеріне куә болған жағдайда, бірден аймақтық полиция бөлімдеріне не 102 нөміріне хабарласуға шақырады.