Жергілікті шенділер аса қуатты әрі тым жылдам жүретін көлікті басқару үшін арнайы куәлік беру қажет деп санайды. Олар жай құжат берумен шектелмей, суперкар жүргізетіндерді оқытуды көздеп отыр.
Идея авторы — Оңтүстік Аустралия штатын басқаратын Петер Малинаускас. Құжат жобасы жыл аяғына дейін парламентке жолданады. Шенділер суперкар иелері қарсылық танытуы мүмкін дегенмен, бастама сәтті болатынына сенімді.
Малинаускас жүргізуші куәлігінің жаңа категориясын енгізуден бөлек, қуатты көліктің трекшн-қадағалау жүйесін толық өшіруге тыйым салу, жылдамдықты асыру салдарынан адам өліміне әкеп соққан жол апаты үшін жазаны қатаңдату сияқты тағы бірнеше идея ұсынды.
Заң жобасын әзірлеуге 2019 жылы Lamborghini Huracan қатысқан апат себеп болды. Ол кезде суперкар мінген жүргізуші рөлге ие бола алмай, 15 жастағы қыздың өмірін қиған.
Комментариев: 0