«Ауғанстандық әріптестер көлік жеткізіп беруді сұрады. Кабул жылдам дамып келеді. Құрылыс салынып, сауда жүріп тұр. Қалталы азаматтар пайда болып, орта тап дамып келеді, сондықтан ескі және жаңа көліктерді сатуға арналған автоорталық ашуды көздеп отыр», — деді ҚР үкіметі басшысының орынбасары Серік Жұманғарин.
«Келер жылы Ауғанстанда алғашқы көліктерді сата бастауымыз мүмкін. Ауған тарапынан құрылыс пен мекеме мәселесін шешуді сұрадым. Кеше өте маңызды мәселені шештік. Қазақстан банктерінің бірінде Ауғанстандағы ең ірі банктің бірінің корреспонденттік шоты ашылады. Осылайша Ауғанстанға үлкен терезе ашып отырмыз, өйткені енді тікелей төлем жасауға болады. Бұған дейін біз Қырғызстан, Өзбекстан және Парсы шығанағы елдерінің банк қызметін пайдаланып жүрдік. Енді мұнымен өз еліміздің банкі айналысады, бұл Ауғанстанмен ғана емес, тұтас аймақпен сауданы жақсартады», — деді С.Жұманғарин.
Комментариев: 0