Audi Q5 кроссоверінің үшінші буынын таныстырды. Модель толық өзгеріп, жаңа сырт пішін, үш экраны бар салон және заманауи платформаға ие болды. Мотор гаммасында әлі іштен жанатын қозғалтқыштар ғана бар, бірақ Еуропада барлық қозғалтқыштың гибрид қосымшасы болады. Автомобильге тапсырыс қабылдау басталды, бағасы — кем дегенде 52.3 мың еуро (28 млн теңге).
Audi Q5 жаңа PPC платформасына ауысты. Q5 осы архитектураға негізделген алғашқы кроссовер болды. Буыны алмасқан
Q5-тің дизайны үлкен радиатор торы, ірі ауа тартқышы сияқты заманауи трендтерге сай жасалған. Автомобильдің шамы мен шырағының жарығын бірнеше нұсқада теңшеуге болады. Артқы спойлерде жүксалғыш есігіндегі стоп-сигналды қайталайтын шағын проектор орнатылған.
Кроссовердің интерьері Audi A5-пен ұқсас. Салонда D пішінді рөл, минималистік ортаңғы тоннель және диагоналы 11.9 және 14.5 дюймдік екі дисплей орналасқан жаңа алдыңғы панель бар. Қосымша ақы төлеп жолаушы жағына 10.9 дюймдік үшінші экран қойдыруға болады. Медиажүйе Android Automotive операциялық жүйесімен жұмыс істейді. Audi Q5-те климат бақылау блогы жоқ, бірақ төрт
Q5 Еуропада 24 ат күшіне ие (230 Нм) қосымша электромоторы мен 1.7 киловатт батареясы бар күштік құрылыммен жарық көреді. Базалық түрленімі 2 литрлік бензинді және дизельді мотормен жүреді. Біріншісі — 204 ат күші мен 340 Нм, екіншісі 204 ат күші мен 400 Нм момент береді. Агрегат 7 сатылы роботпен жұмыс істейді. Бензинді нұсқа алдыңғы және толық жетекті, ал дизельді нұсқа тек толық жетекті болады. Жүзге дейінгі жылдамдықты 7.2 және 7.4 секундта еңсереді.
Сондай-ақ машинаның 367 ат күшіне ие (550 Нм) 3 литрлік агрегатпен жүретін SQ5 спорттық нұсқасы шығады. Қозғалтқыш робот қорап, толық жетек және бейімді амортизаторы бар пневматикалық аспамен жабдықталған. SQ5 агрессивті сырт пішіні және 21 дюймге дейінгі дөңгелек дискісімен ерекшеленеді. Мұндай кроссовер 4.5 секундта жүзге дейін жылдамдық алады.
Жаңа өнім 2025 жылдың басында саудаға шығады. Audi болашақта модельдің мотор гаммасына батареяны үшінші тараптан қайта қуаттауға болатын гибрид күштік құрылым қосады.
Комментариев: 0