Audi RS 4 Avant-тың жаңа түрленімін көрсетті. Ол модельдің 25 жылдығына арналған, соған сай edition 25 years деп аталады. Жаңа өнім қуатты қозғалтқыш, жаңарған аспа және кейбір дизайн нюансымен ерекшеленеді. Еуропадағы бағасы — 143 мың еуро (68.5 млн теңге).
Audi-дің алғашқы спорттық универсалы — RS2. Бірақ quattro бөлімшесінің дебюттік спорткары 1999 жылы шыққан RS4 Avant болды. Мерейтойға орай қазіргі
Жаңа түрленім алғашқы жүздікті 3.7 секундта еңсереді, ол стандарт мотормен жүретін универсалдан 0.4 секунд жылдам. Ең жоғары жылдамдығы – 300 км/сағ.
Жаңа өнімнің базалық жабдықтар тізімінде RS 4 клиренсін 10 мм төмендететін RS pro аспасы бар. Реттеу мүмкіндігінің арқасында спорткарды тағы 10 мм аласартуға болады. Сондай-ақ универсал жақсарған иінтірек, керамика тежеуіш және 20 дюймдік дөңгелек дискісімен жабдықталған.
RS 4 топтамасындағы қуатты универсалдың төбесінде рейлинг болмайды, есесіне үлкен қара түсті шанақ декоры пайда болады. Мамандар машинаның сыртын Imola сары түсіне бояп, салонын 2001 жылғы RS 4 Sport сияқты сары тігісі бар қара былғары және алькантарамен қаптаған. Тіпті дәстүрлі қызыл түсті Audi Sport логотипі де сары болады. Imola реңкінен бөлек шанақтың қара және қою сұр түсі бар. RS 4 Avant edition 25 years сатып алған азамат стилі мен атауы машинаға ұқсас хронометр алады. Машина сияқты сағаттың да 250 экземпляры ғана шығады.
Комментариев: 0