Audi жаңа буындағы A6 Avant универсалының премьерасы жақында өтетінін хабарлады. Тұсаукесері 4 наурызға жоспарланған. Бренд топтамасында A6 бұрыннан бар, бірақ бұл жолы электрокар емес, іштен жанатын қозғалтқышпен жүретін нұсқа туралы сөз қозғап отырмыз.
Ресми тизерден беті жабулы тұрған универсалдың пішінін және реттелетін шамдарын көруге болады. Желіде тараған бейнежазбалар көп ақпарат береді. A6 Avant-тың дизайны қазіргі A5 пен алдыңғы буынның қосындысына ұқсайды. Универсалдың артқы бөлігі ұзарады, көлбеу тіректерімен, кең қанаттарымен және ірі радиатор торымен ерекшеленеді.
Алдын ала мәлімет бойынша Audi A6 Avant-тың мотор гаммасына жұмсақ гибрид жүйесімен жабдықталған бензинді және дизельді қозғалтқыштар кіреді. Ең қуатты RS нұсқасы V6 негізінде жасалған бензоэлектрлі қондырмамен жүреді. Оның қуаты қазіргі BMW M5-пен бір деңгейде болуы мүмкін. Кейін топтама дәстүрлі седанмен толығады.
Audi былтыр қабылдаған жаңа атау жүйесіне сәйкес жұп сандары бар индексті электрлі өнімдеріне берді, сондықтан A6-ның жаңа буыны A7 болып өзгеруге тиіс еді. Дегенмен компания тұтынушылар бұған үйренісе алмағанын атап өтті. Сол себепті наурызда модельдер қатарына екі түрлі платформадағы және әртүрлі қозғалтқышы бар екі A6 қосылады.
Комментариев: 0