Оқиға 22 маусымда Алматы облысына қарасты Кеген ауданында болған. Жергілікті ПД баспасөз қызметі хабарлағандай, 43 жастағы Audi 100 жүргізушісі Саты ауылындағы Ұлтарақов көшесімен қозғалып бара жатып, жылқыны қағып кеткен.
Апаттың салдары түсірілген видео желіде тарады.
Полицейлер жүргізушінің жарақат алмағанын хабарлады. 37 жастағы жылқы иесінің атына Әкімшілік кодекстің 615-бабы бойынша хаттама толтырылды. Енді ол 10 АЕК айыппұл төлеп, зақымдалған көлікті жөндеуге міндеттеледі.
Еске салайық, жол ережесі бойынша жүк артқан, жегілген, мініс малының иелері мен айдаушыларға:
- малдың қатты төсенiштi жолдарға шығып кетуi мүмкiн жағдайларда оларды қадағалаусыз қалдыруға;
- малдарды темiржол жолдары арқылы және арнаулы белгiленген жерлерден тыс, сондай-ақ тәулiктiң қараңғы уақытында және жеткiлiксiз көрiну жағдайында (түрлi деңгейдегi мал айдаудан басқа) айдап өтуге;
- малдарды, өзге жолдар бола тұрып, асфальтты және цемент-бетон төселген жолдармен алып жүруге тыйым салынады.
Комментариев: 0