ҚР ІІМ-нің басшысы Қалмұханбет Қасымов брифинг кезінде автомобиль жүргізушілерінің ығырын шығарған мәселеге қатысты пікір білдірді. Оның дерегі бойынша, Қазақстанда тіркелген 452 айна ұрлығының ең көп бөлігі Алматыға тиесілі. Оқиғалардың 90 %-ы еліміздегі ең ірі мегаполисте болады екен.
"Базардағы алып-сатарлардың өздері осы қылмыскерлерге пәрмен беріп, қандай айналарды әкелу керегін айтады. Мұндай сатушыларды полиция тексере алмайды. Бұл бизнес. Мен тексеріс жүргізу үшін прокуратурадан санкция алуға тиіспін. Маған қылмыскерді саусақпен нұсқап көрсетсе ғана, санкциясыз тексеріс жүргізе аламын, — деді Қасымов.
Комментариев: 0