3 қаңтарда таулы үстіртке шығатын тұста төтенше жағдай болды. Фесенков атындағы астрофизика институтының обсерваториясы маңында қар көшкіні салдарынан 38 жол талғамайтын көлік қамалып қалды. Алматы облысы ТЖД хабарлағандай, қазір құтқарушылар автомобильдерге жанармай құйып, адамдарды эвакуациялап жатыр.
Жол талғамайтын көліктер обсерваториядан 700 метрдей жерде бөгелген. Оларға құтқарушылардың арнайы техникасы барды. Колонна 7 шақырымға созылды.
«Қар көшкіні „Ранчо Стетсон“ үстіндегі жолды жауып қалды. Бірнеше джип жол ашу үшін үстіртке Түрген жақтан шықты. Тағы бір команда Бартоғай жақтан келді. Қазір жолда қалғандарға қарда жүретін машинамен көмектесіп жатыр. Мамандар адасып кеткен бір үйдің жеті адамын құтқарды», — деді Kolesa.kz редакциясына джиперлердің бірі Руслан.
Құтқару жұмысына өз еркімен қатысқан жол талғамайтын көлік жүргізушілерінің айтуынша ТЖМ жағдайды толық бақылауда ұстап, жолда қалған тұрғындарға дер кезінде көмектесуге уәде берген. Бірақ құтқарушылар бүгін таңғы бестерде ғана жетті.
Kolesa.kz редакциясы жағдайды назарда ұстайды.
Комментариев: 0