Компания Vanquish атты жаңа флагмандық моделін көрсетті. Гранд-турер жақында жаңарған фирмалық V12 қозғалтқышын алды. Жаңа өнім бренд тарихындағы ең қуатты және жылдам жол талғамайтын Aston Martin болады.
Британиялықтар Vanquish жобасын бес жыл бұрын шығарған. Бұл атауды 6 цилиндрлі қозғалтқышы артында орналасқан жаңа модель алуы керек еді. Компания уақыт өте келе орта моторлы купе идеясынан бас тартып, люкс гранд-турерлерге тән архитектураға қайта оралды.
Vanquish тәуелсіз аспа және алюминийден жасалған шанақпен ерекшеленеді, бірақ инженерлер жүріс бөлігінің геометриясы мен сыртқы дизайнын толығымен өзгертті. Мысалы, купенің алдыңғы бөлігіндегі қанаттары мен радиатор торы пішінін сақтаса, артқы бөлігі ірі кіріккен спойлер және бірегей жарықтандырумен жаңа түрде әрленген.
Шанақ қаттылығы 75 %-ға артты, дөңгелек базасы 80 миллиметрге ұлғайды. Шассиі сәл кеңірек болды. Vanquish мықты тұрақтандырғыштармен және жаңа бейімді Bilstein DTX амортизаторларымен,
Автомобиль интерьері ірі ортаңғы тоннелі бар басқа заманауи Aston Martin модельдеріне ұқсайды. Физикалық батырмалармен және екі 10.25 дюймдік дисплеймен жабдықталған. Салоны қымбат былғары және алькантарамен, Bowers&Wilkins компаниясының 15 динамигімен әрленген. Артқы орындықтары жоқ, оның орнына карбоннан жасалған көлденең маңдайшаның айналасында жүк салатын орын жасалған.
Aston Martin Vanquish жақында көптеген жаңа компонентке ие болған V12-нің соңғы 5.2 литрлік итерациясын алды. Оған жаңарған бастиек пен блок, заманауи үрлеу және бүрку жүйелері кіреді. Қозғалтқыш 835 ат күшін (1000 Нм) беретін және электронды басқарылатын дифференциалды бұғаттауы бар 8 сатылы автоматпен жұптасады. Жаңа гранд-турер алғашқы жүздікті 3.3 секундта еңсереді, максимал жылдамдығы — 345 км/сағ. Бұл «астондар» арасында рекорд.
Өндіріс көлемі шектеулі болады. Британиялықтар жылына мыңға жуық Vanquish шығаруды жоспарлап, флагманды эксклюзив ретінде сақтауды көздеп отыр. Aston Martin гранд-турерін жеткізу биыл төртінші тоқсанда басталады.
Комментариев: 0