Астанада жеті жаңа автобус жолағы пайда болады

Әкімдік хабарлағандай, биыл қоғамдық көлікке арналған жеті жолақ салынады. Ол мына бөліктерде болады:

• Керей мен Жәнібек хандар көшесі (Тұран даңғылынан бастап);
• Ұлы дала даңғылы (Тұраннан Мәңгілік елге дейін);
• Қошқарбаев даңғылы (Тәуелсіздік даңғылынан Төлебаев көшесіне дейін);
• Алаш тас жолы (көпір, Уәлихановтан Жетігенге дейін);
• Тәуелсіздік даңғылы (Пушкиннен Қажымұқанға дейін, Момышұлыдан Байтұрсыновқа дейін және Нәжімеденовтен Керей-Жәнібек хандарға дейін);
• Момышұлы даңғылы (Тоқпановтан Қошқарбаевқа дейін);
• Пушкин көшесі (Циолковскийден көпірдің соңына дейін).

Жалпы ұзындығы — 30 км.

Қазір Астанада 31 автобус жолағы бар, олардың жалпы ұзындығы 140 шақырымды құрайды.

Салыстыру үшін айтсақ, Алматыдағы арнайы жолақтың ұзындығы 177 километрге жетеді.