Астана полициясы бейнебақылау камерасы арқылы KAZAK деген нөмірі бар Lexus LX 570 жол талғамайтын көлігін тапты. Елорда ПД баспасөз қызметі хабарлағандай, көлікті 45 жастағы шетел азаматы басқарған.
Жүргізуші стандартқа сай келмейтін мемлекеттік нөмірді не үшін орнатқаны белгісіз. Департамент мәліметінше ол әкімшілік жауапқа тартылды, машинасы айыптұраққа кетті.
Бірнеше жыл бұрын Алматы мен Астана көшелерінде жүрген дәл осындай нөмірлі көліктің суреттері әлеуметтік желіде тараған.
Әкімшілік кодекстің
- стандартқа сай келмейтін мемлекеттік нөмір тағып көлік басқарған адам 5 АЕК (2026 жылы — 21 625 теңге) айыппұл төлейді;
- көлікке жалған немесе қолдан жасалған нөмір орнатса 15 АЕК айыппұл арқалайды;
- жалған мемлекеттік нөмір тағып көлік жүргізсе 5 тәулікке дейін қамау және 1 жыл жүргізуші куәлігінен айыру жазасы қолданылады.
Комментариев: 0