Елорда әкімдігі алдағы бес жылда 197 шақырым жол салуды жоспарлап отыр. Бұл жөнінде Астана әкімінің орынбасары Сергей Хорошун мәлімдеді.
Қала құрылысын жүргізудегі басымдылыққа ие бағыттардың бірі — оң жағалаудағы жаңа «Нұрлы жол» темір жол вокзалының аумағын сол жағалаудағы ЭКСПО аумағымен байланыстыратын Ұлы Дала даңғылын жалғастыру. Оған қоса, Күмісбеков пен Бейсеков көшелерінің арасынан Кенесары көшесін (ол Кіші айналма жолға дейін ұзартылады да, Есілдің оң жағалауымен сол жағалауын байланыстырады), Сейфуллин көшесін Пушкин көшесіне дейін, сонымен қатар, Асан Қайғы көшесін Ташенов көшесінен Бөгенбай батыр даңғылына дейін жалғастыру жоспарда бар.
«Біз аталған іске кешенді түрде кірістік, яғни қаладағы қатынас жағдайы түбегейлі өзгереді», — деді Хорошун.
Комментариев: 0