«ҚазАвтоЖол ҰК» АҚ-ның баспасөз қызметінің хабарлауынша, 2018 жылы аталмыш тас жолымен 2 809 993 көлік құралы өткен. Мамандардың айтуынша, көлік саны алдын ала төлем арқылы жиналған алым 116.6 %-ға артыпты. 2018 жылы алдын ала төлем бойынша 139 611 транзакция жүргізілген, бұл 2017 жылмен салыстырғанда үш есе көп. Бір сөзбен айтқанда, жүргізушілер шлагбаумның алдында емес, алдын ала төлегеннің әлдеқайда тиімді екенін түсінді.
Өкінішке қарай, төлем жасауға барлығы бірдей дайын емес, дейді компания мамандары. Кейбір азаматтар құрылғылардан мемлекеттік нөмірін жасырып, кейбірі тіпті жалған нөмірлер орнатады екен. 2018 жылғы бірнеше айда тәртіп сақшылары әкімшілік құқық бұзушылыққа қатысты 21 хаттама толтырып, иелері жүргізу құқығынан айырылатын бес көлік айып тұрағына жеткізілді. Ұрланған нөмірлерді қолданғандардың үстінен қылмыстық іс қозғалыпты, ал екі жүргізуші «ҚазАвтоЖол» бөлімшесіне 1 020 000 теңге қарыз төледі.
Осы айдың соңына дейін Қазақстанда тағы үш ақылы жол іске қосылуы тиіс.
Комментариев: 0