Мотоциклден жүк көліктеріне дейінгі бес сынаққа қатысатын экипаждар тізімін қарасаңыз DAKAR 2019 ралли-марафонына қатысатындардың арасынан қазақстандықтарды таппайсыз, әрі бұл Astana Motorsports командасының өткен «Дакарда» үздік нәтиже көрсеткеніне қарамастан. Ол кезде Артур Ардавичус жүк көліктер жарысында төртінші орынға, жүйткіген Iveco жарыс көліктерінің ішінде бірінші орынға ие болған еді. Ралли-марафонға бірінші рет қатысқан алматылық Дмитрий Шилов квадроциклдер сынағында алтыншы орынға табан тіреген еді, ал ең үздік ондыққа кірудің өзі жаңа қатысушылар үшін әркімнің қолы жете бермейтін жетістік.
Әйгілі ралли-марафон қырық бірінші рет өткізілмекші, ал оған біз неге бармаймыз деген сұраққа Astana Motorsports командасының капитаны Артур Ардавичус жауап берді:
— Соңғы жылдары Ралли-рейд бойынша FIA Әлем кубогы аясында бір де бір жарысты жібермеген біздің команда үнемі назарда болды. Осы жылдың басында біздің президенттік клубтың жұмысы қайта қаралып, басшылық ауысты. Бұл жәйт команда құрамының өзгеруіне әкеліп, біз «жұмыс тоқтады» деген режимге көштік. Бір жыл ішінде ралли-рейд бойынша өткізілген Әлемдік кубоктардың біріне де қатыса алмадық, ал ғаламның ең басты ралли-марафоны бізсіз өтеді.
Біз бүтін ел ретінде спорттың алуан түрінен өзімізді жақсы көрсетіп жүрміз. Алайда спорттың автомобильдік техникалық түрінде вакуум пайда болғандай. Ралли-рейдтер олимпиядалық спорт емес, дегенмен оның тартымдылығы мен имидждік маңызы Астанада өткен Халықаралық «ЭКСПО» көрмесінен кем түспейтін шығар. Біз қазір Денис Березовскийдің Әлем кубогы мен «Жібек жолы» раллиінде алған бірінші орындары туралы айтып отырған жоқпыз, бізді ертеңгі күні не жоғалтатынымыз алаңдатады.
Команданың өзі үшін таңсық болған «Дакардағы» квадроциклдер сынағында үздік өнер көрсетуі бүгінде жаттығу мен шабандоздарды даярлауға бекер кеткен жылдарға айналып кеткендей құдды. Бұл екі-үш жыл тыңғылықты дайындалып, әлемнің ең қатал ралли шарасында лайықты өнер көрсете аламыз деген жас жігіттердің үмітін үзеді.
— Біз клуб басшыларына, билікке үміт артамыз, себебі істі бұлай қалдыруға болмайды, деп жалғастырды Артур. — Әлеуметтік желідегі қауым ұшқыр техниканы тізгіндеген шабандоздардың бастарын қатерге тігіп, «өзге бір планетада» өтетін жарыста көлік бортында, костюмдерінде, шлемдерінде Қазақстанның туын абыроймен алып жүргендерін талап етеді. Біздің квадроциклшілер мектебін жоқ қылу — бұл спорттық инвестицияларды жоғалту. Біз бәрі қайта қалпына келеді деп үміттенеміз, себебі, соңғы жылдары қазақстандық команданың, яғни, әлемнің ең үздік 10 шабандозы мен экипажының қатарынан көрінетін команданың дайындығына тым көп күш жұмсалды.
Жұмыстың тоқтағанына қарамастан, Ардавичус өз тәжірибесімен бөлісу мақсатында командалардың тәлімгері ретінде уақытының көп бөлігін автоспортқа арнап жатыр. Үнемі өткізілетін жиындар мен сынақтар оның графигінде бар. 2019 жылы бірден үш жарысқа: Дмитрий Шилов — квадроциклдер жарысына, Ихсан Калиламбеков — багги, ал Артур Ардавичус жүк көліктерінің жарысына қатысады деп жоспарланған болатын. Әттең…
— Чагинмен сөйлескенімде ол жақсы қарсыластың болмайтынына өкініш білдірді… Жерар Де Рой біздің тарапымыздан соңғы шешімді күтетінін айтқан, өтініш беру мерзімі аяқталғанына қарамастан, ол қараша айына дейін күтті. Iveco тракын дрим-тим паш етеді: Де Рой/Вилагра/Ардавичус/Генутхтен… Жарыс алдында мен көп адамдармен сөйлестім, телефон тұтқасын аламын да, қазақстандықтардың оған неліктен қатыспайтынын түсіндіру қажеттігін аңғарамын, — деп сөзін аяқтады Ардавичус.
Келешек «Дакар» үшін екі есе ішім ашиды, себебі арнайы аумақтардың жартысынан көбі құмдауыт. Марафонда бұл сирек кездесетін жәйт, дегенмен соңғы он жылда қазақстандықтар дәл құмды аймақтарда мықтылық танытқан-ды. Бұл бізге қолайлы бағыт. Біз редакциямен бірге Ардавичустің құмдағы жаттығуын тамашалап, тіпті фильм де түсіргенбіз (сілтеме бойынша қараңыз). Қазақстандықтардың құмдауыт жерде өздерін қалай ұстайтынын фильмді көргеннен кейін бағалауға болады. Мұнда біз БАӘ-нің жол талғамайтын көліктерге арналған базасында өткізген бес күндік аясында біздің нұсқаушымыз жайлы баяндаймыз.
Соңында сандарды сөйлетсек. 2019 жылы DAKAR ралли-марафоны Латын Америкасындағы елдердің бірі — Перуде өтеді. Үш мыңы арнайы аумақтардан тұратын 5000 шақырымдық меже, 10 кезең, ал жарыс жолының 10 пайызы құмдауыт жерлерден тұрады. Жарыс 6 қаңтарда басталып, 17 қаңтарда Перу астанасы Лимада шарықтау шегіне жетеді. Қазақстан бұл жарысқа қатысатын алпыс екінші ел болар еді.
Комментариев: 0