ҚР президенті қатысқан үкімет отырысынан кейін Астана қаласының жаңа әкімі Жеңіс Қасымбек LRT жобасы «бөлінген қаржыға байланысты алдағы екі-үш жылда аяқталады» деп мәлімдеді. Әкім журналистердің осы және өзге де сұрақтарына жаңа қызметке кіріскеніне бірер күн ғана болғанын айтып, нақты жауап бере алмады.
Бұған дейін ҚР президенті елордадағы жүрдек трамвай желісінің тағдырын шешуді тапсырған. Ал биыл қазанда үкімет LRT құрылысын аяқтау туралы шешім қабылдап, 42.6 млн доллар бөлді (осы жоба үшін мемлекет банктерден 11 млрд қарыз алған). Бір айдан кейін жеңіл рельсті жол өтетін көшелердің картасы жарияланды.
Ал Алматыда LRT жобасы қандай болатынын қала билігі 2023 жылы көктемде шешеді. Бұдан бөлек шенділер оңтүстік астанадан Қонаевқа жүрдек трамвай жүргізуді жоспарлап отыр.
Комментариев: 0