Көлік тізгіндеген қос нәзік жандының не себепті жанжалдасқаны белгісіз, бірақ олардың бірі тым артық кеткен сияқты. Саин көшесінде болған оқиғаның видеосы мен фотосуреттері желіде тарады. Бейнежазба кадрларынан қара шашты әйелдің ( ақ кроссовердің жүргізушісі болса керек) көлік ішіндегі әйелді шығармақ болып, есікті тартқылағанын көруге болады. Мұнысынан ештеңе шықпаған соң, әлгі қыз бүйірлік айналарды сындырып, әйнек сүрткішті бұрай бастайды, фотосуреттеріне мән берсек, тентек әйел өрт сөндіргіш құралмен алдыңғы әйнекті де сындырған.
Желі қолданушылары мұндай зұлымдыққа не себеп болғанын түсінбеді. Тәртіп сақшылары әйелдер арасындағы кикілжің 22 қазан күні Әуезов ауданында болғанын айтты. Бұл дерек бойынша ҚР ӘК-нің 293-бабының 1-бөлігімен (бұзақылық) сотқа дейінгі тергеу жұмыстары жүргізілуде. Шабуыл жасаған азаматша 2 000 АЕК көлемінде айыппұл арқалайды, не 600 сағатқа дейін қоғамдық жұмыстарға тартылуы, яки екі жылға дейін бас бостандығынан айырылуы мүмкін.
Комментариев: 0