Уақытша тіркеу мерзімін ұзарту жөнінде мәселе қаралып жатқанын ҚР ІІМ ӘПК басшысы Серік Түсіпов хабарлады. Оның сөзінше, Қазақстанға одақтас елден 22 мыңға жуық машина кіргізілген. Қазіргі уақытта 11 мың көлік уақытша тіркелді. Енді рөлі ауыстырылған машина иелері үшін уақытша тіркеу уақыты ұзартылуы мүмкін.
Ресми емес ақпаратқа сүйенсек, Қазақстан Республикасы Үкіметінің 2020 жылғы 20 мамырдағы «Қазақстан Республикасы азаматтарының Армения Республикасында тіркелген жекелеген көлік құралдарын Қазақстан Республикасына әкелуі мен пайдалануының кейбір мәселелері туралы» № 306 қаулысы 1 қарашаға дейін күшін жоймайды. Мұндай ұсынысты ҚР ІІМ жасаған екен. Полицейлер карантин салдарынан армениялық көлік иелері машинасын тіркеп үлгермеді деген ойда.
Темір тұлпарын Қазақстанда уақытша тіркесе де, екі елдің қазынасын толтыруға міндеттелген армениялық көлік иелерінің салық төлеуге қатысты мәселесі де 1 қарашаға дейін шешілуі мүмкін.
Комментариев: 0