ҚР ішкі істер министрінің Көлік құралын тіркеу және есепке алу туралы ережесіне өзгеріс енгізу туралы № 584-бұйрығы 19 тамызда жарияланып, бірден күшіне енді. Бұйрыққа сәйкес, армениялық машинаны тіркеу үшін көлік иелері өткізуі тиіс құжаттар тізімі жазылған 16-1-тармаққа мынадай өзгеріс енгізілді:
«4) Көлік құрылымының КО ТР 018/2011 17-қосымшасындағы талаптарға сәйкестігі туралы куәлік не сәйкестендіру нөміріндегі таңба саны 17-ден кем болмаған жағдайда көлік құралының Қазақстан Республикасының «Автомотокөлік құралдары. Құрылымына өзгеріс енгізу. Жалпы ережелер мен техникалық талаптар» 1418-2018 Ұлттық стандартына сәйкестігін тексеру хаттамасы.
Естеріңізге сала кетейік, көлік құрылымының қауіпсіздігі туралы куәлік армениялық машиналарға бұған дейін берілмеген. Оны алу үшін көлік иелері одақтас елге баруға мәжбүр болды. Енді машинаны уақытша тіркеу барысында хаттаманы өткізсе жеткілікті. Бірақ армениялық көлік мінгендердің асыққаны жөн. Себебі 1 қыркүйекке дейін аз уақыт қалды, ал қауіпсіздік хаттамасын алу үшін машинаны тексерістен өткізу қажет.
Құжатты қайдан аласыз? Қандай мекеме береді?