Қазақстан билігі «конструктор»-көлікпен күресудің жаңа әдісін қолданысқа енгізді. Осы мақсатта елге оң рөлді машинаны бөлшектеп болса да әкелуге тыйым салды. 29 желтоқсанда «Оң рөлді жеңіл автомобильдердің кей түрін әкелуді реттеу мәселелері туралы» арнайы бұйрыққа өнеркәсіп және құрылыс министрі қол қойды. Құжат 5 қаңтарда жарияланды, ол 2024 жылғы 16 қаңтарда күшіне енеді.
Бұйрықта «Қазақстанға 8703 21 109 1 қоспағанда 8703 21*-ден; 8703 22*-ден; 8703 23*-тен; 8703 24*-тен; 8703 31*-ден; 8703 32*-ден; 8703 33*-тен; 8703 40 109 қоспағанда 8703 40*-тан; 8703 50*-ден; 8703 60 109 қоспағанда 8703 60*-тан; 8703 70*-ден; 8703 80 000*-ден; 8703 90 00*-ден; 8706 00 910*-ден; 8707 10 900 0*-ден; 8707 90 900 9*-ден оң рөлді жеңіл автомобильді бөлшектелген күйде әкелуге алты ай мерзімге тыйым салынсын» деп жазылған.
Мәтіннен қозғалтқыш орнатылған шассиді де, жеке шанақты да, тіпті бензинді, дизельді және гибрид автомобильді де елге кіргізуге болмайтынын білуге болады. Электромобильді жеке қарастырады. Квадроциклдерге бұл шектеу әсер етпейді.
Бұйрыққа не үшін толық автомобильді енгізгені түсініксіз, өйткені 2011 жылдан бастап Қазақстанда мұндай машинаны кедендік рәсімдеуге және алғашқы тіркеуге қоюға болмайды, көлік құрылымының қауіпсіздігі туралы куәлік те берілмейді. Мұндай машинаны елге әкелуге одан да ерте, 2007 жылғы 1 қаңтарда тыйым салынған.
Комментариев: 0