Бізге азаматтардың бірі Армения Республикасынан жеткізілген автокөлікті уақытша тіркеу мүмкін еместігі жөнінде хат жазды. Kolesa.kz сауал жолдаған «Азаматтарға арналған үкімет» баспасөз қызметі осындай мәселе туындағанын растады. Оны шешуге тырысып жатқандарына екі ай болыпты.
Не болды?
Тамыздың басында машина тіркейтін жүйе жаңартылды. Дәл сол кезде бағдарлама жұмысынан кемшілік байқалған, салдарынан салондағы жаңа көліктер мен шетелде сатып алынған машинаны бастапқы есепке қою қиындады. Сервис артынан қайта іске қосылды, алайда оған Армениядан әкелінген көлікке утилизациялық алым төлеу талабы енгізілген екен. Мұндай машина мінгендер алымның бұл түрін төлемейтіндіктен, ақау жойылғанша олардан құжат қабылданбайды.
Мәселе қашан шешіледі?
Қазір бағдарлама қызметін қалпына келтірумен ҰАТ АҚ мамандары айналысып жатыр. Бірақ жұмыстың қашан аяқталатынын корпорация өкілдері ашып айтпады. Сары нөмір беру мерзімі 2022 жылдың 1 наурызына дейін ұзартылған, сондықтан көктем келгенше үлгеретін шығар деп үміттенеміз.
Комментариев: 0