Ural-дың Мәскеудегі бөлімшесінің бас директоры Денис Кузнецов «Газета.Ru» порталына берген сұхбатында Ирбиттегі зауытта жанарбасы жоқ техника шығару мүмкіндігі туралы айтты.
Harley-Davidson және BMW Motorrad секілді бірқатар танымал марка Ресейден кетіп қалғандықтан, қарапайым әрі қолжетімді мотоциклдерге сұраныс артуы мүмкін. Клиенттерге «Уралдың» арбасын алып тастап ұсынуға болады, бірақ мұндай түрленімді сату үшін сертификат алу қажет.
Топ-менеджердің айтуынша басты кедергі Ресей заңнамасында тұр. Қазіргі ережеге сай қозғалтқыш көлемі 650 кубтан асатын арбасы жоқ мотоциклде ABS болу керек. Ол болмаса жаңа түрленімге сертификат алу мүмкін емес. Ал мото-ABS шығаратын Bosch компаниясы елден кетіп қалғандықтан жүйені орнату оңайға соқпайды. Демек екі дөңгелекті «Уралды» сатылымға шығару үшін стандартты өзгерту қажет. Немесе Lada Granta қатарлы ресейлік машиналар секілді одан уақытша бас тарту керек.
Айта кетейік, Ural қос дөңгелекті мотоциклді 2012 жылға дейін шығарды, ал арбасы жоқ соңғы техника 2014 жылы конвейерден түсті.
Комментариев: 0