Араб маркасы екі электромобилін көрсетті

Биыл жыл басында фототыңшылар дизайны Cybertruck пен ғылыми-фантастикалық фильмдердегі футуристік модельдердің қосындысы сияқты көрінетін ерекше электромобильдің прототипін байқаған. Сол кезде бұл машина саудиялық Ceer Automotive стартапының алғашқы өнімі деген ақпарат тарады. Енді сол болжам расталып отыр, бренд жаңа өнімнің алғашқы ресми фотосын жариялады.

1 / 5

• 
• 
• 
• 
• 

1 / 5

Электрлі кроссовер нарыққа келер жылы наурызда шығады. Онымен бірге сұлбасы дәл сондай радикал әрі Exobot деген деген атауы бар седан жарық көреді. Электрокарларды жасауға McLaren, BMW, Rimac және Hyundai мамандары, сондай-ақ Қытайдың Foxconn компаниясы атсалысты.

1 / 8

• 
• 
• 
• 
• 
• 
• 
• 

1 / 8

Сауд Арабиясының PIF мемлекеттік қорындағы инвесторлар екі модельдің дизайны ерекше болғанын қалап отыр, машиналардың сұлбасын McLaren-нің бұрынғы бас дизайнері Роб Мелвилл сызыпты. Екеуінің де дөңгелек базасы 3.2 метр болады, бірақ ұзындығы әртүрлі: седан — 5.26 метр, кроссовер — 5.02 метр. Толық басқарылатын шассиі клиренсті өзгертуге мүмкіндік беретін пневмоаспамен жабдықталған. Кроссовердің клиренсі 240–300 мм аралығында өзгереді.

Exobot топтамасының күштік құрылымы әу баста біреу ғана болады. Ол жалпы 850 ат күшін (1000 Нм) беретін екі электромотор және 560–670 км жүріс қорын қамтамасыз ететін 112 киловатт батареядан тұрады. Болашақта қос модель 1111 ат күшіне ие (1500 Нм) қуатты қозғалтқышпен жабдықталады. Автомобильдердің электрондық жүйесін жасауға BMW, Rimac және Hyundai көмектескен.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Электрокарлардың салонында 48 дюймдік үлкен экран, 10.4 дюймдік ортаңғы тачскрин және қарапайым рөл емес, штурвал көзге түседі. Ал алдыңғы әйнек заманауи техникада кездесетін ең ұзын әрі ең қиғаш әйнек саналады.

2027 жылы Ceer топтамасына үшінші модель қосылады. Марканың гаммасы бес автомобильге жетеді деген жоспар бар. Компания жаңа өнімдерді қазірше әлемдік нарыққа шығармайды. Машиналар Парсы шығанағында ғана сатылады.