Төлемнің Астана — Теміртау (134 км), Алматы — Қапшағай (42 км) және Алматы — Қорғас (295 км) автожолдарының бөліктерінде қабылданатын естеріңізге сала кетейік. «ҚазАвтоЖол» ҰК-ның баспасөз қызметі бұрында өткен қоғамдық тыңдалымда аталған жолдарға іргелес жатқан елді мекен тұрғындарымен төлем мөлшері талқыланып, олардың ұсыныстары қарастырылғанын айтты.
Сөйтіп, ертеңнен бастап жеңіл көлік иелерінен мынадай мөлшерде төлем жасау талап етілетін болады:
- Астана — Теміртау тас жолында: алдын ала төлем жасау арқылы — 200 тг, қолма-қол төлем арқылы — 400 тг;
- Алматы — Қапшағай тас жолында: алдын ала төлем жасау арқылы — 100 тг, қолма-қол төлем арқылы — 200 тг;
- Алматы — Қорғас тас жолында: алдын ала төлем жасау арқылы — 300 тг, қолма-қол төлем арқылы — 600 тг.
Жүк көліктері мен автобустардан сұралатын төлем мөлшері мен жаңа жолдармен қалай жүру керектігі жайлы Kolesa.kz бұрында баяндаған болатын.
«ҚазАвтоЖол» мамандарының айтуынша, 26 қаңтардан бастап жергілікті тұрғындар үшін құны 1000 теңге болатын жылдық абонементтерді рәсімдеу жоспарланып отыр екен. Мұндай абонементтер темір тұлпары тек сол маңдағы елді мекендерде тіркелген көлік иелеріне ғана беріледі. Ал егер азамат сол ауыл не қалалардың бірінде тұрғанмен, көлігі басқа жерде тіркелген болса жалпы негізде төлем жасауына тура келеді. Абонементтер төлем қабылдайтын орындарда рәсімделеді.
Сонымен қатар осы жылдың ақпанында (нақты күні әлі белгісіз) көлік иелеріне ағымдағы шотқа бекітілген RFID таңбалары таратыла бастайды, олар жүргізушілердің турникет алдына тоқтамай-ақ, жанасусыз төлем жасауына мүмкіндік береді.
Кто скажет, эта фигня Онай пригимает?