АҚШ тұрғындары көлік жылдамдығын шектеуге қарсы емес

Биыл шілдеден бастап Еуропада сатылған әр жаңа автомобильге жылдамдық асыруға қарсы технология (Intelligent speed assistance — ISA) орнату міндетті болады. Мұндай жүйені енгізуге АҚШ жұрты да қарсы емес деп жазды Carscoops.

Жол қауіпсіздігін сақтандыру институты (IIHS) 1802 жүргізуші арасында сауалнама жүргізді, олардың 60 %-дан астамы жылдамдық асырғанын дыбыстап ескертетін жүйеге қарсы болмаған. Ал респонденттердің жартысы машинасына жылдамдық асыруды физикалық тұрғыда тежейтін құрылғы орнатуға келіскен. Олар бұл өзгеріс сақтандыру тарифінің төмендеуіне әсер еткенін қалайды.

ISA жол белгісін оқу немесе GPS картасы дерегі арқылы жұмыс істейді. Қазір Еуропада автомобильге орнатылған мұндай жүйені өшіруге болады, бірақ қозғалтқышты іске қосқанда жүйе қайта жұмыс істей бастайды.